Ահազանգ թեժ գծին

Ինչպես արդեն տեղեկացրել էինք, <<Միացյալ Երիտասարդական Լիգա>> շարժումը բացել էր թեժ գիծ ուղղված կոռուպցիայի վերացման ուղղությամբ:

Արդեն կան բազմաթիվ զանգահարողներ և բոլոր ահազանգերի բողոքների իրականությունը ճշտվում են:

<<ՄԵԼ>> շարժման թեժ գծին զանգահարող ՀՀ քաղաքացին, ով ներկայացավ որպես Երևանի Պետական Համալսարանի նախկին շրջանավարտի մայր, տեղեկացրեց ԵՊՀ-ի բանասիրական ֆակուլտետի ավարտական` պետական քննության համար նույն համալսարանի հայոց լեզվի ամբիոնի վարիչ պրոֆեսոր Լևոն Եզեկյանը տարիներ շարունակ բավականին կլորիկ գումարներ է վերցրել ուսանողներից քննությունների նշանակման համար:

<<ՄԵԼ>>-ը ճշտեց այդ ֆակուլտետի ներկայիս և նախկին որոշ ուսանողներից այդ փաստի իրականությունը և ըստ այդ ուսանողների վերը նշվածը համապատասխանում է իրականությանը:

Հարգելի պարոն Աշոտյան, ձեր ուշադրությանն ենք ներկայացնում այս փաստը, չանելով մեր մեկնաբանությունները, ակնկալելով երևույթի դեմ ամենալուրջ գործողությունների իրականացում, այդ կերպ օրինակ ծարայելով նման կեղծ բարեպաշտների համար:

Կարդալ

Պայքար հանուն Մաշտոցի այգու

Միացյալ Երիտասարդական Լիգա շարժումը միանում է բոլոր այն ակտիվիստներին, ովքեր պայքարում են հանուն Մաշտոցի այգու պահպանմանը:

Այսօր ՄԵԼ շարժումը նամակ է ուղղարկել Նախագահ Սերժ Սարգսյանին, որում մասնավորապես նշված է.

Հարգարժան Պարոն Նախագահ Սերժ Սարգսյան, Միացյալ Երիտասարդական Լիգա երիտասարդական շարժումը հավատացած լինելով ձեր` բարի կամքի դրսևորմանը, կոչ է անում զբաղվել Մաշտոցի այգու շինարարության հիմնախնդրով:
Այսօր մեր քաղաքում ոչ մի կանաչ գոտի չպետք է վերածվի առևտրային տարածքի, քանի որ մեր քաղաքի օդի կեղտոտվածությունը հաշվի առնելով, ինչպես նաև այգիների սակավաթիվ լինելու հանգամանքով:
Հասկանալի է նաև այն հանգամանքը, որ այդ կրպակատերերը և իրենց աշխատակիցները կդառնան գործազուրկ, այդ իսկ պատճառով մենք առաջարկում ենք կրպակները քաղաքի կենտրոնական հատվածից տեղափոխել քաղաքի այլ հատվածներ, օրինակ Նոր-Նորք, Դավիթաշեն և այլ վայրեր:

Կարդալ

Թեժ գիծ

Միացյալ Երիտասարդական Լիգա շարժումը ողջունում է ՀՀ ԿԳ նախարար Ա. Աշոտյանի պայքարը դրամահավաքության դեմ և կոչ անում բոլոր ուսումնական հաստատությունների ղեկավարությանը պայքարել այդ երևույթի դեմ:

Այսուհետ գործելու է <<ՄԵԼ>> շարժման թեժ գիծ, որին կարող եք ահազանգել ցանկացած կոռուպցիոն երևույթի, դրամահավաքության պարագայում, ցանկացած կոռուպցիոն երևույթ, որը տեղի կունենա ուսումնական հաստատություններում կստանա համապատասխան արձագանք:

Զանգահարողի գաղտնիությունը երաշխավորվում է:

Հարգելի հայրենակիցներ եկեք միասին պայքարենք կոռուպցիայի դեմ:

Թեժ գիծ: 096-14-27-54

Կարդալ

Հայտարարություն

Օրեր առաջ Երկիր օրաթերթում հրապարակված հոդվածը, որտեղ Անանիա Շիրակացի համալսարանի ռեկտոր Ս. Աֆյանը, պատասխանել էր լրագրողի այն հարցերին, որոնք կապված էին <<Միացյալ Երիտասարդական Լիգա>> շարժման, այն հայտարարության հետ, որ պարոն Աֆյանը իրենց բուհում քարոզում է <<Կյանքի խոսք>> աղանդը:

Լրագրողի այն հարցին, որ բացի <<ՄԵԼ>> շարժումից, այլ շարժումներ մեղադրել են ձեզ կամ ձեր բուհին, պարոն Աֆյանը պատասխանում է, որ բացի լիգայից ոչ մեկ նման հայտարարությամբ հանդես չի եկել, և ավելացրել.

- Լիգան, օրինակ, ոչ վաղ անցյալում մեզ արդեն փորձել է հանիրավի կերպով մեղադրել ուսման վարձերի գանձման գործընթացում իբրև մեր կողմից թույլ տրված խախտումների համար:

Սակայն ինչպես արդեն <<ՄԵԼ>> շարժման կողմից հրապարակվել է, <<ՄԵԼ>>-ը ոչ թե ուսման վարձերի գանձման գործընթացներին է անդրադարձել, այլ ակադեմիական պարտքերի մարման համար գանձվող գումարներին, մասնավորապես, ստուգարքների համար 500 դրամ, քննությունների` 1000 դրամ:

Բացի այդ պարոն Աֆյանը <<ՄԵԼ>> շարժմանը մեղադրում է կողմնակալ վերաբերմունքի համար, և հավելելով, որ <<ՄԵԼ>> շարժումը մտածածին մեղադրանքներով դիմել է ԿԳ նախարար Ա. Աշոտյանին, ապա ԿԳՆ-ից պարոն Աֆյանը ստացել է համապատասխան նամակ, որին գրավոր տվել են սպառիչ և իրավաչափ բացատրությունները և վերջին նամակը նաև ուղղարկել են <<ՄԵԼ>> շարժման էլեկտրոնային հասցեին:

<<ՄԵԼ>> շարժումը ամենայն պատասխանատվությամբ հայտարարում է, որ <<ՄԵԼ>>-ի ոչ մի էլ. Հասցեի նման բովանդակությամբ նամակ չի հասել կամ չի ուղղարկվել:

Այս ամենից կարելի է եզրակացնել, որ պարոն Աֆյանի նման հայտարարությունները մտածածին են և արդարանալու միջոց:

<<ՄԵԼ>> շարժման որդեգրած քաղաքականությունը հաշվի առնելով, մենք` <<ՄԵԼ>> շարժումը պարոն Աֆյանին ընձեռնում ենք <<ՄԵԼ>> ղեկավար կազմի հետ հանդիպելու հնարավորություն: Բացի այդ <<ՄԵԼ>> շարժումը պատրաստ է հրապարակավ ներողություն խնդրել պարոն Աֆյանից, եթե նա հանդիպման ժամանակ կարողանա ապացուցել, որ <<ՄԵԼ>> շարժման հայտարարությունները սուտ են:

Այս հայտարարությունը ուղղարկում ենք նաև Անանիա Շիրակացի համալսարանի Էլ. Հասեին:

Կարդալ

Օրեր առաջ Երկիր օրաթերթում Անանիա Շիրակացի Համալսարանի ռեկտոր Ս. Աֆյանը ասել էր, որ <<ՄԵԼ>> շարժման էլեկտրոնային հասցեին ուղղարկել է պատասխանի կրկնօրինակը:
(Ամբողջությամբ հոդվածը կարող եք կարդալ http://www.yerkir.am/files/oratert/1328281560.pdf հասցեով:)
Սակայն <<Միացյալ Երիտասարդական Լիգա>> շարժման ոչ մի էլեկտրոնային հասցեին ոչ մի նամակ չի ուղղարկվել նման բովանդակությամբ, եթե իհարկե տեխնիկական խնդիրների պատճառով իրենց ուղղարկած նամակը այլ հասցեատեր չի ունեցել:
Ինչը խոսում է այն բանի մասին, որ <<ՄԵԼ>> շարժումը անաչառ է իր դիրքորոշման մեջ:
Ի զարմանս պարոն Աֆյանի, <<ՄԵԼ>> շարժումը կողմնակալ վերաբերմունք չի դրսևորում և պետք չէ այլ ենթատեքստ տեսնել մեր գործունեության մեջ:

Կարդալ