Միացյալ Երիտասարդական Լիգա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 
ՕՐԵՆՔԸ

ԳՈՎԱԶԴԻ ՄԱՍԻՆ

Ընդունվել է 30.04.1996 

Հոդված 9. Գովազդը զանգվածային տեղեկատվության էլեկտրոնային միջոցներում

1. Արգելվում է մինչեւ 10 րոպե տեւողությամբ ռադիոհաղորդումներում եւ մինչեւ 20 րոպե տեւողությամբ հեռուստահաղորդումներում մեկ անգամից ավելի գովազդային ընդհատումը /ընդմիջումը/։

2. Արգելվում է ռադիոհեռուստատեսային հաղորդման ընթացքում հեռարձակել գովազդ՝ ավելի քան 20 րոպեն մեկ հաճախականությամբ եւ յուրաքանչյուր մեկ եթերային ժամի հաշվով 10 րոպեից ավելի տեւողությամբ։

3. Արգելվում է գովազդային ընդհատումը պաշտոնական լրատվական հաղրդագրությունների ժամանակ։

4. Զանգվածային տեղեկատվության էլեկտրոնային միջոցներով հեռարձակվող գովազդային հատուկ հաղորդումների հաճախականությունը չի սահմանափակվում, սակայն յուրաքանչյուր առանձին հաղրդման տեւողությունը եթերային 1 ժամվա ընթացքում չպետք է լինի 5 րոպեից ավելի։

5. Սույն հոդվածի դրույթները չեն գործում, եթե ռադիոհեռուստատեսային հաղորդումը կրում է բացառապես գովազդային բնույթ, կամ գովազդը հաղորդվում է գովազդային ալիքով։

«ԳՈՎԱԶԴԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ընդունվել է 26.05.2011

 Հոդված  2. Օրենքի 9-րդ հոդվածում`

1) 2-րդ մասը շարադրել հետեւյալ խմբագրությամբ.

«2. Արգելվում  է  ռադիոհեռուuտատեuային  հաղորդման  ընթացքում հեռարձակել  գովազդ յուրաքանչյուր 1 եթերային ժամի հաշվով 14 րոպեից ավելի տեւողությամբ:».

2) 2-րդ մասը լրացնել հետեւյալ բովանդակությամբ նոր նախադասությունով. «Եթերային ժամի հաշվարկը սկսել յուրաքանչյուր օր 00.00 ժամից:».

ՄԵԼ-ը 27.01.12 14.00-15.00 հետևել է Արմենիա հեռուստատեսության հեռարձակմանը և

·          14.00-14.04  Եղբայրներ

·          14.04-14.07 Գովազդ

·          14.07-14.25 Եղբայրներ

·          14.25-14.26 Գովազդ

·          14.26-14.36 Մի ստիր

·          14.36-14.43 Գովազդ

·          14.43-14.48 Մի ստիր

·          14.48-14.49 Գովազդ

·          14.49-15.00 Մի ստիր

Մեկ եթերային ժամվա ըթացքում ցուցադրվեց կարելի է ասել մեկ հաղորդում 26 րոպեանոց և ընդհատվեց 3 անգամ գովազդով, գումարային հաշվով 1 ժամում 18 րոպե գովազդ եղավ, այն էլ պատահական օրվա ցերեկային ժամ:  Խախտումը ակնհայտ էր իսկ օրենքը թերի է այն մասով որ նշվում է միայն  20 րոպեից պակաս հաղորդման ժամանակ մեկ գովազդային ընդմիջումից ավել արգելվում է իսկ 20 րոպեից ավել չի նշվում: Դատողությունները թողնու ենք ձեզ և կոչ անում օրենքը չխախտել: Աապագայում ՄԵԼ-ը հանդես կգա օրենքի փոփոխության առաջարկով և ավելի հետևողական է լինելու հեռուստաեթերի նկատմամբ:

Կարդալ